Македонско Најдобро е национална иницијатива создадена со јасна цел: да се поддржи и унапреди македонското земјоделско производство и домашната преработувачка индустрија, преку современа, инклузивна и отворена дигитална платформа.
Платформата е воспоставена со поддршка на Министерството за земјоделство, шумарство и водостопанство, кое посветено работи на развивање на системи што ќе овозможат поголема видливост, поврзаност и пласман за домашните производители. Преку оваа алатка, Министерството испраќа силна порака: време е домашното да стане прв избор – кај институциите, трговците и секој граѓанин.
Топ категории
Кој може да се регистрира?
Платформата е достапна за:
Земјоделци и земјоделски здруженија
Преработувачи и мали домашни производители
Продажни објекти, маркети, трговци со овошје и зеленчук(пиљари) и трговци кои нудат домашни производи
Продажни центри
Што нуди платформата?
Бесплатна регистрација и профил за секој учесник во синџирот на производство и продажба
Гео-локациско поврзување на производот со конкретни продажни места
Функционална мапа за потрошувачи според моментална локација
Можност за директни соработки меѓу производители и продавачи
Приказни за успех на македонски земјоделци и брендови
Видливост пред институции, големи купувачи и потенцијални партнери
Едноставен и лесен систем за управување со сопствената понуда
Поголема цел – поддршка и свест
Нашата цел не е само економска – таа е и културна, општествена и емоционална. „Македонско Најдобро" ја гради свеста за вредноста на домашното производство, ја враќа гордоста кај производителите, ја буди довербата кај потрошувачите и создава врски меѓу сите чинители во ланецот – од нива до трпеза.
Министерството за земјоделство, шумарство и водостопанство ја гледа оваа платформа како долгорочен стратешки проект, кој не само што ќе помогне на производителите, туку ќе креира ново дигитално лице на македонското земјоделие, усогласено со европските трендови и дигиталната трансформација.
Нашата визија
- • Да станеме најдоверливата, најсеопфатна и најупотребуваната платформа за македонски земјоделски и прехранбени производи.
- • Да бидеме мостот меѓу трудот на производителот и одлуката на потрошувачот.
- • Да ја обновиме културата на купување македонски производи.
- • И пред сè – да создадеме систем кој ќе им врати вредност, достоинство и иднина на оние кои создаваат храна во Македонија.